മേപ്പയ്യൂർ ഗവ: വൊക്കേഷനൽ ഹയർ സെക്കണ്ടറി സ്കൂൾ നാഷനൽ സർവ്വീസ് സ്കീം കണ്ണോത്ത് യു പി സ്കൂളിൽ സംഘടിപ്പിച്ച സഹവാസ ക്യാമ്പ് സമാപിച്ചു. സമാപന സമ്മേളന ഉദ്ഘാടനവും ഉപഹാര സമർപ്പണവും കീഴരിയൂർ ഗ്രാമപഞ്ചായത്ത് പ്രസിഡണ്ട് പി കെ ബാബു നിർവ്വഹിച്ചു. വാർഡ് മെമ്പർ സവിത വലിയ പറമ്പത്ത് അധ്യക്ഷത വഹിച്ചു.
മഹാത്മ ഗാന്ധി,നെഹ്റു, അംബേദ്ക്കർ, ടാഗോർ,അബുൽ കലാം ആസാദ്, തുടങ്ങിയ ദേശീയ നേതാക്കളുടെ ഫോട്ടോ എൻ.എൻ.എസ്.എസ് യൂണിറ്റ് കണ്ണോത്ത് യു.പി സ്കൂളിന് സമ്മാനിച്ചു.സപ്തദിന ക്യാമ്പിലെ മികച്ച വളണ്ടിയർമാർക്കും ഉപഹാരം നൽകി.
ക്യാമ്പ് അംഗങ്ങൾക്ക് ഫാർമേഴ്സ് അസോസിയേഷൻ നൽകിയ പച്ചക്കറി വിത്തുകൾ മുജീബ് കോമത്ത് വിതരണം ചെയ്തു.ഗ്രാമ പഞ്ചായത്തംഗം നിഷാഗ ഇല്ലത്ത്, എം.സുരേഷ് മാസ്റ്റർ,പ്രീജിത്ത് ജി.പി,റസാഖ് കുന്നുമ്മൽ,ടി.കെ വിജയൻ, കെ.ടി ചന്ദ്രൻ,കെ.എം സുരേഷ് ബാബു എന്നിവർ സംസാരിച്ചു.കണ്ണോത്ത് യു.പി സ്കൂൾ ഹെഡ്മിസ്ട്രസ് കെ. ഗീത സ്വാഗതവും വളണ്ടിയർ ലീഡർ ഗായത്രി പി.ടി നന്ദിയും പറഞ്ഞു.
