സംസ്ഥാനത്ത് സ്വര്ണവിലയില് കയറ്റം തുടരുന്നു. . സ്വര്ണവില. ഗ്രാമിന് 20 വര്ധിച്ച് 9,170 രൂപയിലാണിപ്പോള്. പവന് വില 73,360 രൂപയാണ്. 160 രൂപയാണ് ഇന്നലെ പവനില് കൂടിയത്. ജൂലൈ ഒന്പതിന് പവന് വില 72,000 രൂപയായി കുറഞ്ഞിരുന്നു. ഇതിനുശേഷം വിലയില് 1,360 രൂപയുടെ വര്ധനയുണ്ടായി. ലൈറ്റ് വെയിറ്റ് ആഭരണങ്ങള് നിര്മിക്കാന് ഉപയോഗിക്കുന്ന 18 കാരറ്റ് സ്വര്ണത്തിന്റെ വില ഗ്രാമിന് 7,520 രൂപയാണ്. 15 രൂപയുടെ വര്ധന. വെള്ളിവില 123 രൂപയില് മാറ്റമില്ലാതെ തുടരുന്നു. വരുംദിവസങ്ങളില് സ്വര്ണവില ഉയര്ന്നേക്കുമെന്ന സൂചനകളാണ് വ്യാപാരികള് നല്കുന്നത്. ഇന്ന് ഒരു പവന് സ്വര്ണത്തിന്റെ വില 73,360 രൂപയാണെങ്കിലും ഇതേ തൂക്കത്തിലുള്ള സ്വര്ണാഭരണം വാങ്ങാന് ഇതിലുമേറെ കൊടുക്കേണ്ടി വരും. കുറഞ്ഞത് അഞ്ച് ശതമാനം പണിക്കൂലിയും നികുതിയും ഹാള്മാര്ക്കിംഗ് ചാര്ജും ചേര്ത്ത് ഒരു പവന് സ്വര്ണാഭരണത്തിന് 79,392 രൂപയ്ക്ക് മുകളില് നല്കേണ്ടി വരും
