സ്കൂള് വിദ്യാര്ത്ഥികളുടെ സുരക്ഷ ഉറപ്പാക്കുന്നതിനായി ജില്ലാ പോലീസിന്റെ നേതൃത്വത്തില് നടത്തുന്ന ‘ഓപ്പറേഷന് ലാസ്റ്റ് ബെല്’ ശക്തമാക്കി. കഴിഞ്ഞ ദിവസം സ്കൂള് പരിസരങ്ങളില് നടത്തിയ വാഹന പരിശോധനയില് ഇരുന്നൂറോളം വാഹനങ്ങള് പിടിച്ചെടുക്കുകയും, 36 രക്ഷിതാക്കള്ക്കെതിരെ കേസെടുക്കുകയും ചെയ്തു. സ്കൂള് പരിസരങ്ങളിലെ അക്രമങ്ങള്, അനധികൃത വാഹന ഉപയോഗം, ലഹരി ഉപയോഗം എന്നിവ തടയുന്നതിനാണ് ഈ പ്രത്യേക പരിശോധന.
