വോയിസ് കോളുകൾക്കും എസ്.എം.എസിന് മാത്രമായി മൊബൈൽ ഫോൺ റീച്ചാർജ് പ്ലാൻ സൗകര്യം നൽകണമെന്ന് ടെലികോം കമ്പനികളോടു നിർദേശിച്ച് ടെലികോം റെഗുലേറ്ററി അതോറിറ്റി ഓഫ് ഇന്ത്യ

മുംബൈ: വോയിസ് കോളുകൾക്കും എസ്.എം.എസിന് മാത്രമായി മൊബൈൽ ഫോൺ റീച്ചാർജ് പ്ലാൻ സൗകര്യം നൽകണമെന്ന് ടെലികോം കമ്പനികളോടു നിർദേശിച്ച് ടെലികോം റെഗുലേറ്ററി അതോറിറ്റി ഓഫ് ഇന്ത്യ (ട്രായ്). ഫീച്ചർ ഫോണുപയോഗിക്കുന്ന ഉപഭോക്താക്കൾ ഇന്റർനെറ്റ് ഡേറ്റ ഉപയോഗിക്കുന്നില്ല.അവർക്കാവശ്യമില്ലാത്ത സേവനത്തിന് നിലവിൽ പണം നൽകേണ്ട സ്ഥിതിയുണ്ടെന്നും ട്രായ് ചൂണ്ടി കാട്ടി. ഉപഭോക്താക്കൾക്ക് ആവശ്യമുള്ള സേവനത്തിനു മാത്രമായി റീച്ചാർജ് സൗകര്യമൊരുക്കാനാണ് നിർദേശം. ഇതിനായി ഒരു സ്പെഷ്യൽ താരിഫ് വൗച്ചറെങ്കിലും വോയിസ്, എസ്.എം.എസ്. സേവനത്തിനുമാത്രമായി പുറത്തിറക്കണമെന്ന നിർദേശവുമായി 2012-ലെ ടെലികോം ഉപഭോക്തൃ സംരക്ഷണ നിയന്ത്രണ ചട്ടങ്ങൾ ഭേദഗതി ചെയ്ത് ട്രായ് ഉത്തരവായി.