ആലപ്പുഴ:ആലപ്പുഴ, കോട്ടയം ജില്ലകളില് പക്ഷിപ്പനി സ്ഥിരീകരിച്ചു. ഭോപ്പാലിലെ ലാബില് നടത്തിയ സാംപിള് പരിശോധനയിലാണ് രോഗം സ്ഥിരീകരിച്ചത്.
ആലപ്പുഴ ജില്ലയിലെ 8 പഞ്ചായത്തുകളില് ഓരോ വാര്ഡിലാണ് രോഗബാധ റിപ്പോര്ട്ട് ചെയ്തിരിക്കുന്നത്. കോട്ടയത്ത് നാല് വാര്ഡുകളിലാണ് രോഗബാധ.
ആലപ്പുഴയില് നെടുമുടി, ചെറുതന, കരുവാറ്റ കാര്ത്തികപ്പള്ളി, അമ്പലപ്പുഴ തെക്ക്, പുന്നപ്ര തെക്ക്, തകഴി, പുറക്കാട് പഞ്ചായത്തുകളിലാണ് രോഗബാധ. നെടുമുടിയില് കോഴികള്ക്കും മറ്റുള്ളിടത്ത് താറാവിനുമാണ് രോഗബാധ.
കോട്ടയത്ത് കുറുപ്പന്തറ, മാഞ്ഞൂര്, കല്ലുപുരയ്ക്കല്, വേളൂര് എന്നീ വാര്ഡുകളിലാണ് രോഗം സ്ഥിരീകരിച്ചിരിക്കുന്നത്. കാട, കോഴി എന്നിവയ്ക്കാണ് കോട്ടയത്ത് രോഗബാധയുള്ളത്. മൃഗസംരക്ഷണ വകുപ്പിന് പരിശോധനഫലം കൈമാറി.
റിപ്പോര്ട്ടിന്റെ അടിസ്ഥാനത്തില് അടിയന്തര നടപടികള്ക്ക് മൃഗസംരക്ഷണ വകുപ്പ് നിര്ദേശം നല്കി.
